SPINTHER melius SPINTER

SPINTHER, melius SPINTER
Festo armillae genus, quô mulieres utebantur, brachiô summô sinistrô: quod quale fuerit, ignoramus quia ab armillis distinxit Plautus Menaechm. Actu 3. Sc. 3. v. 11. 12.
Redde Spinter, si non meministi. ME. mane.
AN. istuc. ME. ubi illae armillae sunt, quas una dedi.
Nisi utriusque brachii, utriusque sexus sint armillae, et Spinter sinistri tantum feminarum; vix in his tenebris aliud dici potest. Spinter caduceatorum, in armillae venit nomenclationem Budaeo. Unde postas armillatos cursores appellat, partim ob insigne, quod praeferunt; partim quia armillae instar ab armo dependent. Fibulam vel Armillam Spinteris notione intelligit Priscianus l. 5. Hincque fibulam in Spinter commutavit Florens Christianus, apud Aristophanem Lysistratâ: ut ad illud Plauti in menaechmis Actu 3. sc. 3. v. 4. respexisse Poetam ostenderet,
Iubeasque novum Spinter reconcinarier:
Vide Thom. Bartholini Schedion de Armillis Vett. A' Graece fortê ςπινθὴρ, scintilla, quod aurô scintillaverint, Gouldm. Dictionar.

Hofmann J. Lexicon universale. 1698.

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.